Hatha Yoga, Kundalini Yoga, Diafreo, Haurdunaldirako Yoga, Meditazioa, Feldenkrais, Yoga terapeutikoa, Dantza presentzia, Mindfulness, Sat Nam Rasayan, Yoga Sutrak, ...
Hatha yoga
Hau da yoga estilo klasikoa. Hatha yogan, batera lantzen ditugu gorputza, adimena eta espiritua, tresnatzat asanak erabiliz –hau da, gorputz jarrerak–, baita arnas eta energia teknikak erabiliz ere. Horrek guztiak erlaxazioa, kontzentrazioa eta meditazioa errazten ditu.
Hatha yoga praktikatuz, gure izate osoaren konexio eta harmonia handiagoa lortzen da, gorputza malgu eta osasuntsu edukitzeko, burua lasai, eta bihotza zabalik.
Kundalini Yoga
Kundalini yoga deritzona diziplina sakratua da, eta tradizio handiko yoga-eskola. Yoga sistema dinamikoa, segurua eta eraginkorra da denontzat; ez du axola zein den zure adina, esperientzia eta egoera fisikoa. Praktika honek hainbat onura dakarzkigu: nerbio-sistema eta sistema glandularra indartzen laguntzen du, malgutasuna hobetzen du eta eraldaketa emozionala errazten du.
Klase baten barruan, hauek denak egiten dira: pranayama (arnasketa), kriyak (serie fisikoak), asanak (gorputz-jarrerak), mantrak, begi-fokuratzea, mudrak eta bandhak (energia bideratzeko), meditazioa eta erlaxazioa.
Diafreo
Diafreo Metodo Korporal Integratzailea da; bizitzak gure gorputzean inskribatu dituen korapiloak aurkitzera, onartzera, ulertzera eta askatzera gonbidatzen gaitu. Diafreon, gorputza da lan-tresna nagusia. Gorputzari entzuten, gorputza sentitzen eta gorputzean bizitzen ikasten dugu. Izan ere, badakigu hala egiten dugunean gure bizitzaren historia integratzen ari garela. Taldean eta bakarka lan egiten da. @diafreolineam
Haurdunaldirako yoga
Yoga tresna zoragarria da haurdunaldian. Emakume asko aldi horretan hasten dira yoga egiten. Saio hauetan, zure ilusioak, zalantzak, esperientziak, beldurrak... partekatu ahal izango dituzu, epaitua izateko beldurrik gabe eta entzuten dizutela sentituz. Gorputzari entzuten ikasiko dugu, hau da, gorputz-kontzientzia garatuko dugu, eta hori oso baliagarria izango zaigu bai haurdunaldirako bai erditze-garairako... bizi behar dugun horretarako, zernahi dela ere bakoitzak bizi behar duen hori. Arnasa hartzeko uneak, luzatze-ariketak egiteko uneak, isilik egoteko uneak.
Yoga terapeutikoa
Yoga terapeutikoa osasunerako hezkuntza da. Denok dugu sendatzaile izateko potentziala geure baitan; beraz, Yogaren zientziaren bidez ahalmen hori garatzen ikasiko dugu. Yoga terapeutikoa ez da gaixotasunak sendatzera bideratzen, osasuna sustatzera baizik. Sistema honek pertsona hartzen du ardatz, eta norberaren barne-baliabideak indartzen ditu. Banakako kontsultan lantzen da.
Feldenkrais
Heziketa somatikorako teknika bat da, zurruntasunetik, automatismotik eta min kronikotik askatzen laguntzen diguna. Modu leun eta geldoan egindako mugimendu ugariren esplorazio kontzientearen bidez gure nerbio-sistema berritzea lortzen dugu, eta hala, hobera egiten du gure mugimenduen bizitasunak, koordinazioak eta arintasunak.
Meditazioa
Hilero-hilero, azken igandean, meditazio-saio bat antolatzen dugu, lasaitasunerako eta arretarako gune bat aurkitu nahi duten pertsona guztientzat.
Denbora tarte batez elkartzen gara, meditatu egiten dugu, eta te bat hartzen dugu elkarrekin.
Berdin dio meditatzen aritua zaren ala orain hasiko zaren lehen aldiz: hemen baduzu txoko bat zuretzat.
Dantza presentzia
Dantzari heltzeko modu bat da, Sirah Badiolak sortua. Mugitzean zure baitan sentitzen dituzun sentsazioetan presente egotea, horixe da dantza honen oinarrian dagoena. Feldenkrais metodotik abiatuta, dantza jariakor baterantz eboluzionatzen du, keinu bakoitzean zehaztasun eta presentzia handia jarrita. Laborategi ezin hobea da kontzientzia osoz mugitzearen plazera esploratzeko eta tentsiorik gabeko adierazpena deskubritzeko.